ಪ್ರೀತಿಯ ಬರ......

  ಪ್ರೀತಿಯ ಬರ.......

ಮರೆತೆಯೇನೆ ನಮ್ಮ ಒಲವ ;
ಒಂಟಿ ಮಾಡಿ ಹೊರಟೆಯೇನೆ..??
ಒಣಸಿ ಹೊನ್ನ ಒರತೆಯನ್ನ ;

ಬರಡು ಬದುಕ ನಡೆಸಲೇನೆ...???

ಜಲವಿರದ ಕೂಪದಂತೆ ;

ಪ್ರೀತಿಯಿರದ ದೇಹವಾಗಿ..
ಒಂದು ಕ್ಷಣವೂ ಕಳೆಯಲಾರೆ ;
ನಿನ್ನ ವಿನಃ ಬದುಕಲಾರೆ...

ಪ್ರೀತಿ ಪ್ರೇಮ ಸಂತೆಯಲ್ಲಿ ;
ಸುತ್ತಿ ಸುತ್ತಿ ಹುಡುಕಿ ಪ್ರೀತಿ..
ಪ್ರೇಮ ಗಾಳಿ ಬೀಸದೆನಗೆ ;
ಸಿಗದೆ ಹೋದೆ ಮರಳಿ ಮನೆಗೆ..

ವಿಪರ್ಯಾಸ......

ವಿಪರ್ಯಾಸ......

ತಾಳಿ ಬಿಗಿದರೇನೆ ಮದುವೆಯೇ???
ಮನಸು ಕೊಟ್ಟರೆ ಅಲ್ಲವೆ??
ತಾಳಿ ಕಿತ್ತು ಮುರಿಯಬಹುದು..
ಮನಸು ಮುರಿದು ಮರೆಯಬಹುದೇ..???

           ವಿರಹವೇದ.....

ಬದುಕಿರುವೆ, ನೆನಪಾಗಿ ಹೃದಯವನೇಕೆ ಸುಡುವೆ??

ಸಾಯುವೆ, ಇಟ್ಟ ಚಿತೆಗೆ ಉರಿಯಿಡಲು ನೀ ಬರುವೆ..

ಮನಸಿನಲಿ, ಪ್ರೀತಿ ತುಂಬಿ ಪ್ರಾಣ ಕೊಡುವ ಮಾತಿಗೆ ;

ಕನಸಿನಲ್ಲೂ, ಕೊಲೆಯ ಮಾಡಿ ಕದ್ದು ಓಡೋ ನೀತಿಗೆ..

ಪಕ್ಕದಲ್ಲೆ, ಬಂದು ಸುಳಿದು ಎದೆಯ ಬಡಿತ ಕುಣಿಸಿದೆ ;

ಪಟ್ಟನೆಂದು, ಹಾರಿ ಹೋಗಿ ಜೀವವಾಯು ನಿಲಿಸಿದೆ..

ಭಾಷೆ ಕೇಳಿ, ಹರಿಶ್ಚಂದ್ರ ಒಂದು ಕ್ಷಣ ನಿಂತಾನು ;

ಮೋಸ ಕಂಡು, ಕಂಗಾಲಾಗಿ ಪ್ರಾಣವನ್ನೇ ಬಿಟ್ಟಾನು..

ಸಾಯುವಾಸೆ, ನಿನ್ನ ಬಿಟ್ಟು ಬದುಕಲಾರೆನೆಂದು;

ಬದುಕುವಾಸೆ,ನಿನ್ನೇ ನೆನೆದು ನೋವ ಮರೆಯಲೆಂದು...

ದೂರಲಾರೆ,ಕಾಡಲಾರೆ ಮತ್ತೆ ಬೇಡಿ ಪಡೆಯಲಾರೆ;

ಸೋತ, ಜೀವ ಸಾಯೋವರೆಗೆ ಒಂಟಿಯಾಗೆ ದೂಡುವೆ...

ನೋವಿನಲಿ, ನಲಿವ ತುಂಬಿ ಪ್ರೀತಿ ಹುಡುಕೋ ಆಸೆಯು

ಜನುಮದಲ್ಲೆ, ಸಾಕು ಇನ್ನು ಪ್ರೀತಿಯ ಸಹವಾಸವು...

ಮೋಸಗಾತಿ......

ಅವಳುಕೊಟ್ಟ ಮುತ್ತ ನೆನೆದು

ಮತ್ತಿನಲ್ಲಿ ನೆನೆದು ನೆನೆದು

ದೂರವಾದ ಗೆಳತಿ ನೆನೆಪು

ಕಣ್ಣಿನಲ್ಲಿ ಕಂಡು ಬಂತು...

ಏಕೆ ದೂರ ಹೋಗುತಿರುವೆ??

ಎನ್ನ ಕಂಡು ಭಯವೆ ನಿನಗೆ??

ಪ್ರಾಣಿ ಅಲ್ಲ ಪ್ರಾಣ ನೀನು..

ಕಳ್ಳನಲ್ಲ ನಲ್ಲ ನಾನು..!!

ಕಳ್ಳನೆನುವೆಯೇನೆ ನೀನು..??

ಹೌದು ಮನವ ಕದ್ದೆನಲ್ಲ

ಕೊಡುವೆನೆಂದು ಕೊಡದೆ ಒಲವ

ಆದೆಯಲ್ಲ ಸುಳ್ಳಿ ನೀನು..??

ಗೊತ್ತೇ ಇಲ್ಲ ಸತ್ಯ ಸುಳ್ಳು

ಮೋಸಗೀಸ ಕಲಿತೇ ಇಲ್ಲ

ಕಲಿತೆನಲ್ಲ ನಿನ್ನ ನೋಡಿ..

ಆದೆಯಲ್ಲ ಮೋಸಗಾತಿ....

ಕಲ್ಲು ಕೂಡ ಕರಗಿತೆಂದು

ನೋಡಿ ಮುಖವ ನಂಬಿ ಸೋತೆ

ಸೋತು ಸಾವು ಪಡೆಯಲಾರೆ..

ಬದುಕಿ ಬದುಕಿ ನಡೆಸಲಾರೆ...

ಬದುಕು ಸುಲಭವೆಂದು ಕಲಿತೆ

ನಿನ್ನ ಪ್ರೀತಿಯಿಂದ ಅರಿತೆ

ಕಲ್ಲು ಮನವ ಕೊಂದೆ ಆಗ

ಹುಲ್ಲು ಮನವು ಎಂದೆ ಈಗ...

ಖಾಲಿ ಖಾಲಿ ಇತ್ತು ಮನವು

ಪ್ರೀತಿ ಜಲವ ಹರಿಸಿ ಅಲ್ಲಿ

ಕುಣಿದು ತೇಲುವಂತ ಪ್ರೀತಿ

ಈಗ ಕೊಲ್ಲುವಂತ ನೀತಿ....???

ದೇಹ ಸನಿಹ ಬಂದ ಹಾಗೆ

ಮನಸು ಏಕೆ ದೂರ ದೂರ..???

ನದಿಯು ಅಬ್ಧಿ ಸೇರಿದಂತೆ

ಕೂಡಲಾರೆ..??ಪ್ರೇಮಿಯಂತೆ..???